තරුණ ඩිජිටල් මාධ්‍යවේදීන්ට වැඩමුළුවක්
ඩිජිටල් මාධ්‍යයේ නියුතු තරුණ ජනමාධ්‍යවේදීන්ගේ වෘත්තීය හැකියාවන් සහ වගවීම් වැඩි දියුණු කිරීම සඳහා වන ජනමාධ්‍ය වැඩමුළුව
ඔබ,
ඩිජිටල් මාධ්‍යකරණයේ නියුතු, වයස අවුරුදු 35 ට අඩු තරුණ මාධ්‍යවේදි‍යෙක්හෝ මාධ්‍යවේදිනියක් නම් මේ සඳහා ඉල්ලුම් කළ හැක.
මෙම වැඩමුළුව ජාත්‍යන්තර ජනමාධ්‍යවේදීන්ගේ සම්මේලනයේ (IFJ – Asia Pacific) අනුග්‍රහයෙන් ශ්‍රී ලංකා වෘත්තීය ජනමාධ්‍යවේදීන්ගේ සංගමය (SLWJA – Sri Lanka Working Journalist Association) විසින් සංවිධානය කරයි.
වැඩසටහන් විස්තරය:
මෙම පුහුණු වැඩටසහන ය‍ටතේ, ඩිජිටල් ජනමාධ්‍යකරණයේ නියුතු වයස අවුරුදු 35 අඩු තරුණ ජනමාධ්‍යවේදීන් සඳහා ඩිජිටල් ජනමාධ්‍යයේ අයිතීන් සහ වගවීම් පිළිබඳ දෙදින නේවාසික පුහුණුවක් ලබා දේ.
වැඩසටහනේ පසුබිම සහ අරමුණ:
ශ්‍රී ලංකාවේ මෑත කාලීන දේශපාලනික,සාමාජීය සහ ආර්ථිකමය තත්වයන් නිදහස් මාධ්‍යයට විශාල වශයෙන් බලපෑමක් සිදු කර ඇත. 2022 මාර්තු අග සිට මේ දක්වා අවම වශයෙන් ජනමාධ්‍යවේදීන් 15 දෙනෙකු පහර දීමට හෝ බිය වැද්දීමට ලක්කර ඇත.
මේ පිළිබඳව පර්යේෂණ සිදු කළ ජාත්‍යන්තර ආයතනවල වාර්තා අනුව තහවුරු වී ඇත්තේ දණ්ඩ මුක්තිය, ජනමාධ්‍යවේදීන්ගේ ආරක්ෂාවට හිතකර ප්‍රතිපත්ති නොමැති වීම, සේවයේ නියුතු ආයතන වල සහයෝගය අවම වීම, අදාල ජනමාධ්‍ය භාවිතාවන් පිළිබඳ පුහුණුවක් නොමැති කම ආදිය මේ තත්වය ඇති වීමට හේතු වී ඇති බවයි.
ප්‍රධාන ධාරාවේ මාධ්‍ය ආයතන වල ඩිජිටල් වේදිකාවන් සඳහා තරුණ ජනමාධ්‍යවේදීන් විශාල සංඛ්‍යාවක් අන්තර්ගතයන් නිෂ්පාදනය කරමින් සිටී. එහෙත් ඔවුන් ඩිජිටල් මාධ්‍ය ක්‍රේෂ්ත්‍රයේ ගෝලීය වශයෙන් පිළිගත් වෘත්තීය ආචාර ධර්ම ප්‍රමාණවත් ලෙස අනුගමනය නොකරණ බව පෙනී යයි.
බොහෝ තරුණ මාධ්‍යවේදීන් ඩිජිටල් මාධ්‍ය හඳුනාගන්නේ ඉතා වේගවත් ලෙස ප්‍රවෘත්ති ජනගත කිරීමේ මාධ්‍යයක් ලෙසයි. බොහෝවිට අන්තර්ගතයන් ගේ නිරවද්‍යතාව පරික්ෂා නොකිරීම නිසා ව්‍යාජ සහ නිවැරදි නොවන තොරතුරු ඩිජිටල් මාධ්‍ය වල ප්‍රකාශය වීම දක්නට ලැබේ.තවදුරටත් සිදු කළ අධ්‍යයනයන් මගින් හෙළි වී ඇත්තේ,කරුණක්.
වී ඇත්තේ පුරුෂ මූලික මාධ්‍ය පරිසරය තුළ කාන්තා මාධ්‍යවේදීන්ගේ හඬ යටපත් වී ඇති බව, සීමා වී ඇති බව හෝ අඩු වී ඇති බවයි.
මේ පසුබිම තුළ ඩිජිටල් ජනමාධ්‍යවේදීන්ගේ මාධ්‍ය සාක්ෂරතාවය සඳහා දියුණු තත්වයට පත් කිරීමේ අරමුණින් විධිමත් පුහුණුවක් ලබා දීමට ශ්‍රී ලංකා වෘත්තීය ජනමාධ්‍යවේදී් සංගමය අපේක්ෂා කරයි.
සුදුසුකම්:
දැනට ඩිජිටල් ජනමාධ්‍යවේදයේ නියුතු ( වෙබ් අඩවි, යූටියුබ්, මුහුණු පොත ආදී සමාජ මාධ්‍ය) වයස අවුරුදු 35 ට පිරිමි සහ කාන්තා ජනමාධ්‍යවේදීන් මේ සඳහා තෝරා ගනු ලැබේ.
ඉල්ලුම් කිරීම:
ශ්‍රි ලංකා වෘත්තීය ජනමාධ්‍යවේදීන්ගේ වෙබ් අඩවියට පිවිසීමෙන් අදාල අයදුම්පත ලබා ගත හැකිය. එය පුරවා පහත විද්‍යුත් ලිපිනයට එවිය යුතුය.
ඉල්ලුම් පත්‍ර යොමු කිරීම: slworkingjournalist@gmail.com
ඉල්ලුම් කිරීමේ අවසාන දිනය: 2022 සැප්තැම්බර් 01
තෝරා ගැනීම:
දින දෙකක නේවාසික පාඨමාලා දෙකක් පැවැත්වෙන අතර ඉල්ලුම් කරුවන් එක් පාඨමාලාවක් සඳහා සුදුසුකම් ලබනු ඇත. තෝරාගත්/නොගත් බව දැනුම් දීම : 2022 සැප්තැම්බර් 05
පළමු පාඨමාලාව: 2022 සැප්තැම්බර් 17-18
දෙවන පාඨමාලාව: 2022 සැප්තැම්බර් 24-25
වැඩි විස්තර:
මේ පිළිබඳව වැඩිවිස්තර සඳහා ව්‍යාපෘති සම්බන්ධිකාරක: අතුල දිසානායක (0773404838)
